VERTIDO Nº 14

Comentarios

Esta obra chea de sinxeleza e sutileza sorpréndenos pola súa rotundidade, ao mesmo tempo que pola súa levidade. A mancha nace na parte superior do cadro e móvese verticalmente buscando a harmonía e expandíndose nun xogo de matices, texturas e tonalidades de cor.

Austeridade e elegancia nunha obra suxestiva, silenciosa, herdeira de Helen Frankenthaler e Morris Louis, que vai máis alá da representación plástica para centrarse na idea, na cor e nas súas posibilidades.

Utiliza unha tea reciclada que nos conta a súa propia historia e sobre a que o pigmento se estende por si mesmo sen apenas manipulación. Emprego de tons neutros negros e grises que configuran nunha obra intensa resultado dun proceso casual.

A cor dispérsase, os pigmentos amontóanse creando curvas cheas de vibracións e texturas nunha obra que reproduce instantes de incertezas e composicións silenciosas.